شيرين عبدالوهاب: وأنا شعري قصير كنت زي الشاويش عطية

مازحت الفنانة شريين عبد الوهاب الإعلامية لميس الحديدي مطالبة في مداخلتها معها مخرج البرنامج أن لا يضع صورتها حليقة الرأس على الشاشة وأن يضع صورتها بالشعر الطويل، قائلة : "يا راجل حرام عليك حط صورة حلوة ده أنا شبهي وأنا شعري قصير زي الشاويش عطية".

وتابعت “شيرين” خلال مداخلة هاتفية في برنامج "كلمة أخيرة" الذي تقدمه الإعلامية لميس الحديدي على شاشة ON: أنا مش هنسى سؤالك عليا وقت الأزمة ولا الفنانة ياسمين عبد العزيز ولا منة شلبي وكل الناس الحلوين الي سألوا عليا والجمهور وبقول للناس أنا اسفة اني بتكلم في موضوعي الشخصي وانا عارفة أن الناس في البلد عندها مشاكل أهم وأنا بقيت بحس أن موضوع بوخ".

وإعتذرت شيرين عبد الوهاب لجمهورها على الهواء قائلة : "عاوزة أستغفر ربنا على الكذب إللى كذبته عشان أخلي صورة إنسان تبقى كويسة وأنا كذبت ودي أكتر حاجة ربنا مايحبهاش هي الكذب وأنا محبوش".

وسألتها الحديدي كدبتي في إيه ؟ لترد: كدبت في حاجات كتيرة أوي لأني بنت أصول وكنت عاوزة أرفع صورة إنسان ممكن يروح في يوم من الأيام يتجوز من عيلة تانية وأخلص منه ولو كنت قلت كلام وحش وقتها مكنش هيعرف يتجوز وأنا نفسي يتجوز ويغور ويبعد عني.