صفات مش هتلاقيها غير في الشخص اللى قلبه أبيض.. فى اليوم العالمى للتسامح
"أنا مسامح بس مش قادر أنسى"، جملة نسمعها دائما من الأشخاص الذين تعرضوا للخذلان والألم، فبعض الأشخاص تستطيع أن تسامح ولكنها لا تنسى الألم، والبعض الآخر يسامح وينسى الألم ويبدأ من جديد.
ما هى صفات الشخص المتسامح؟
وفى اليوم العالمى للتسامح قال الدكتور إبراهيم مجدى استشارى الطب النفسى والإدمان بجامعة عين شمس لـ"اليوم السابع": "إن هناك صفات للشخص المتسامح أبرزها مرونته في التعامل أن يكون شخص مرن ويلتمس الأعذار دائما ولا يقف عند مشهد أو موقف معين ولكنه يبدأ من جديد دائمًا، ويتميز أيضًا الشخص المتسامح بشطارته وإجتهاده وإبداعه في عمله وتواضعه، كل هذه الصفات تؤدى للتسامح سواء في الرجال أو السيدات".
وأضاف: "فكرة إنك تسامح بس مش بتنسى فأنت مقدرتش تتخطى الألم، التسامح مش تسامح في المطلق ولكن هل تقدر تفتح صفحة جديدة ولا لأ، ممكن مع الوقت هتقدر تتخطاه وتنسى الألم والخذلان اللى حسيت بيه، لكن بعض الأشخاص مش بتسامح وبتفضل إنها تنتقم، والأشخاص اللى مش بيقدروا يسامحوا بيكونوا شخصيات شكاكة وشخصيات سيكوباتية، لكن الشخص المتسامح شخصيات إنفتاحية وبتحقق ذاتها، المتسامح قوى مش ضعيف وكلما كنت متسامح كلما كان عندك قدرة لتحقيق نفسك ولا تلتف لصغائر الأمور، فالتسامح بيخليك أكثر رقي وصفاء وقدرة على التعامل مع الناس بأريحية عشان كده في يوم زى ده بدعو الناس كلها للتسامح".
التسامح
الشخص المتسامح
