بلاغات ضد منصة FBC للاستثمار بتهمة النصب على المواطنين

تقدم المئات من المواطنين في عدد كبير من المحافظات ببلاغات رسمية ضد إدارة منصة FBC للربح عبر الإنترنت يتهمونها بالنصب عليهم في مبالغ مالية كبيرة، مؤكدين أن المنصة أغلقت بعدما استولت على أموال عشرات الآلاف من المواطنين بمختلف المحافظات.

وظهرت منصة FBC كمنصة استثمارية ربحية تستهدف جذب المواطنين لاستثمار أموالهم فيها من خلال عمليات سحب وإيداع، ويكون أقل مبلغ للاشتراك فيها 720 جنيهًا، ويتم منح المستخدمين أموالًا مقابل مشاهدة الفيديوهات على اليوتيوب كأرباح، في طريقة لتحفيزهم على الدفع أكثر لتحقيق مكاسب أكبر، ليصابوا بصدمة كبيرة في النهاية وهي اختفاء المنصة ذاتها.

وأوهمت المنصة مستخدميها بنشر فيديوهات دعائية حول مؤتمر في مصر يقوده شخص ملتح، بادعاء أن المنصة مرخصة ومتعاقدة مع الحكومة، ويتم دفع الأموال عبر المحافظ الإلكترونية المختلفة.

ونشر عشرات الآلاف من المواطنين على موقعي التواصل الاجتماعي «فيسبوك» و«X» شكاوى من منصة FBC الاستثمارية الاحتيالية، حيث تضرر بعض المستخدمين من أن المنصة قامت بالاحتيال عليهم في آلاف الجنيهات، ونشروا تحذيرات عالمية من أن هذه المنصة قد تكون استمرارًا لمنصات احتيالية سابقة، مثل PHD، التي احتالت على مستثمرين في الأردن بملايين الدنانير.

قصص من ضحايا منصة FBC

وتداول العديد من ضحايا منصة FBC قصصًا محزنة عن خسارتهم الفادحة بعد إيداع «شقى عمرهم» فيها.

وقال حساب باسم «خالد السيد» في منشور: «أنا لسا داخل FBC من أيام علشان أسدد أقساط شهرية خاصة بموبايلات اتسرقت مني وبيعت حاجات واستلفت من ناس علشان أدخل ليڤل الـ11.000 جنيه والمشكلة إني حصل لي حادث ومركب بسببه 3 شرايح و25 مسمار في رجلي وتكلفة الجراحة أصلا كانت 65 ألف ومستلف منهم 45 ألف وبايعين حاجات من البيت علشان نكمل الفلوس المطلوبة وكده أنا اللي هتحبس، ده غير إني أصلًا لازم قريب أدخل أشيل الشرايح والمسامير بتاعة الحادثة وبتاعة عملية قبلها، أنا حتى علاجي مبجيبوش».

وقال حساب آخر باسم سارة المغربي: «FBC نصبت علينا والحكاية كلها بدأت من يوم الخميس 2/6 الناس سحبت فلوسها الطبيعية وقامت المنصة ابتداء من يوم الجمعة 2/7 بدفع عدد مهم وأرباح مستوى J3 من 350 إلى 490 عشان تقدر تلم أكبر عدد من الناس في المنصة ونص مستوى J2 يقوموا يشتركوا في J3 والمنصة نزلت 5000 هدية رمضان لـJ3 عشان الناس تجري تشترك في J3، ونص الناس اللي لسه باقين في J2 يقوموا يجروا هما كمان يشتركوا في J3.. كده المنصة لمت مكاسب مهولة ويوم الخميس 2/13 والناس مستنية تسحب يقوم طالعين لينا بعيد الشجرة وهنا كانت بداية المبشرات بأنها النهاية وكل J3 ميعرفش يسحب وكل الناس اللي عملت ترقية من J2 ل J3 ميعرفوش هما كمان يسحبوا فلوسهم ولا يعرفوا يسحبوا وديعة الـ3600 بتاعة الباقة القديمة اللي كانوا مشتركين فيها، وبكده المنصة لمت مليارات في آخر أسبوعين وضحكت على الكل بمكاسب وهمية ودلوقتي المنصة طالعه بحجه ادفع وديعة عشان تسترد حسابك د ودي خدعة جديدة عشان تلم فلوس تاني مننا.. الخلاصه اوعوا تدفعوا فلوس تاني اللى هيدفع جنيه تاني فلوسه هتروح عليه استعوضوا ربنا في فلوسكم والحمد لله على كل حال».

وتساءل حساب باسم إسراء فوزي «يا جماعة الخير دلوقت منصة FBC بيقولوا الحسابات اتهكرت وبيقولوا نعمل شحن تاني عشان الحسابات ترجع واحنا مش عارفين نعمل إيه ممكن اللي عنده خبره في موضوع المنصات يقولنا كده قفلت ولا فعلا الحسابات هترجع ولا ندفع ولا نعمل إيه».

وأكد عدد كبير من المواطنين أنهم قاموا ببيع ممتلكاتهم بهدف الاستثمار في المنصات الإلكترونية ليكتشفوا في النهاية أنهم تعرضوا للاحتيال وخسروا أموالهم في لمح البصر.

وتستخدم منصة FBC وغيرها من المنصات المشابهة أساليب متنوعة لجذب المستثمرين بداية من تقديم أرباح مغرية في البداية مما يجعلهم يعتقدون أن هذه المنصة هي فرصة رابحة ويشتركوا فيها بمبالغ كبيرة، ومع مرور الوقت، يزداد الطمع عند المشتركين وتزيد الاشتراكات حتى يجدوا أنفسهم فجأة ضحايا عملية احتيال منظمة.